周三（14日）快活谷夜馬八場，用B跑道角逐，特色是利帶放或前置守好位馬匹，入直路望空再展衝刺。近績好而季內用得唔多之馬，可以優先捧場。騎師方面，莫雷拉繼續停賽，潘頓及羅理雅手風順可望再增添頭馬。

第六場三班1200米，羅理雅操刀的「紅運爵士」今季已取得兩勝，11月中贏谷草同程，擊敗「裕豐泰」及「風火勁駒」。前仗則在1400米建功，贏「帝豪寶寶」及「世界紀錄」，水準絕對唔曳。上次走樣可理解，因相隔日子太短，細粒仔匆匆再戰，體力未復。小休今次再來，相隔有三個多星期，且跑快活谷短途，對手轉弱難度也減低。體重公佈993磅，季初贏馬994磅，這水平可接受，用羅理雅不須負太多死鉛，排四檔唔曳，可交出好表現。

同場「威風霸皇」用史卓豐非陌生，上季跑一次得殿軍，今次排外檔可望留住爆拉士，是冷腳之選。「心慷慨」最近嘗試中距離，止於追近，今次跑番贏馬1200米，拍跳表現仍佳，用李寶利是冷殺手，不容輕視。「一帆風順」上仗1400米追近，最近試閘末段有追勢，有權搗亂大局。「極有利」試閘平常，應未夠爭勝。