今朝東廐兩駒「奀皮仔」及「牛精仔」都有到機坪熱身及大圈出操，出試完畢後，告仔都特登接馬，睇住「兩個仔」返屋企。值得一提係，後駒是由蔡明紹操練，佢其實係同場「超群名駒」嘅騎師，今次冇份騎「牛精仔」都幫手操，確係抵讚。不過呢場「牛精仔」對手都幾多，除咗講過嘅「超群名駒」外，「喜多盈」、「新妙星」及「勁飛翔」等都係爭勝份子。