【今日ENT】容祖兒快問快答私密事:沖涼超快3分鐘搞掂!
紅館容祖兒秘密今日ENT
到底容祖兒平日會喺屋企做咩?佢沖涼時又會哼咩歌?佢瞓覺又會着咩衫?平日係咪日日做運動先keep到咁fit?以上謎團即將會揭盅!
《蘋果》娛樂節目「今日ENT」依家就同大家亂入活動後台,同祖兒嚟個私生活快問快答live!
容祖兒今年初開咗個My Secret‧Live演唱會,大家對佢嘅Secret都好有興趣。第一條問題,究竟祖兒平時幾點瞓覺呢?祖兒話﹕「最理想一點,但通常都3、4點先入睡。反而早前去布吉拍嘢,當地好寧靜,9點幾就瞓,真係好正,可能冇咁多壓力啦。」咁會鍾意着咩款色睡衣?佢話﹕「低B款睡衣,一定唔會裸睡,因為我極怕凍,平時開冷氣都要25度。」
祖兒係一個好注重衛生,返到屋企第一時間就係沖涼,而且會早晚刷牙,佢話﹕「我沖涼好快㗎,可以3分鐘搞掂!咁都試過唔刷牙嘅,有時真係攰到,覺得刷完牙會醒,就決定直接瞓喇。」而每次出trip,祖兒都會有三樣必備隨身物品,佢話﹕「一個枕頭仔,因為會好影響睡眠質素;牙刷,覺得有歸屬感同安全感;仲有拖鞋,酒店拖鞋,我會着到叉晒啲腳指出嚟。」
《蘋果》FB:
http://bit.ly/2gQm27o