應屆英國冠軍騎師蘇兆輝，今季重臨香江獻技，更獲得廣泛支持，話咁快已經贏咗四場。最近兩次沙田賽事，他共上陣16次，取得兩冠五亞兩季，上名率超過五成。

今期（2日）沙田日賽，蘇兆輝騎七駒。其中，第二場「海南之星」近期表現進步，穩開勝門。

第二場四班草地1400米，只限三歲自購新馬或拍賣馬參賽，呢類同齡條件限制賽，情況儼如新馬賽，參戰馬的成熟進度參差。

「海南之星」周歲時由姚本輝替馬主購入，他同時亦一併購入了剛抵港的廐內新馬C276，兩駒身價總共73.5萬澳元，折合約450萬港元。

「海南之星」在澳洲受訓超過一年，由曾經訓練「蒙古王」及「大武士」的練馬師Bjorn Baker訓練，透過試跑及私下彈閘，測試過具爭勝能力才運港，質素絕對有保證。

前仗「海南之星」在港初出跑直路賽，只負於作賽經驗較豐富的「龍城勝將」。上場增程跑1200米，該賽頭800米段速慢過標準半秒，此駒姍姍來遲後上跑第三，末段造22秒 64全場最快，而且若非末段衝刺時閃出閃入，相信頭馬已手到拿來，睇走勢盡顯超群質素。

近期晨課加戴羊毛面箍試跑，馬頭擺正視線向前，走規大有改善，今場增程跑1400米必可應付，勝望彌高。