韓國女團TWICE台灣成員周子瑜去年捲入「台獨風波」，呢件事之後，韓國方面對於台灣練習生嘅「國籍」問題非常小心，大多怕大陸網民玻璃心而將台灣成員嘅國籍寫成「中國」。

即將出道嘅新女團DayDay日前公佈最後一名成員身份，係嚟自台灣宜蘭嘅彭羽彤（Debby），原本官方微博介紹彭羽彤為「國籍：台灣、出生地：宜蘭」，不過之後就修改成「國籍：中國、出生地：台灣宜蘭」。有大陸網民就留言「會好好關注呢位中國成員」，表示其事務所係中資公司，唔擔心鬧出「國籍問題」，而台灣網民就留言「更正，國籍：台灣 出生地：宜蘭市」。

另外，上位女團TWICE將於15日推出全新專輯《SIGNAL》，官網今日公開新預告照，成員穿上校服現身，而子瑜就將頭髮染成淺灰色，以新髮色示人。