【新增影片】
阿根廷名宿巴迪斯圖達最近接受國際足協（FIFA）頻道訪問，佢透露咗邊個係心目中嘅史上最佳前鋒，大家估唔估到「戰神」覺得最勁嘅前鋒係邊個呢？佢就係朗拿度，不過唔係宜家嗰個，而係之前巴西嗰個。

巴迪高接受FIFA頻道訪問時，被問到邊個係心目中嘅歷來最佳前鋒，48歲嘅毫佢不猶豫話係朗拿度，佢帶住微笑話「我認識朗拿度，之前嗰一個。」踢過阿根廷河床同小保加嘅巴迪高，認為自己職業生涯最好嘅決定係留喺費倫天拿十年，至於佢心目中最難應付嘅門將係邊位呢，答案就係意大利嘅托度，而托度係曾經同佢喺費倫天拿做過七年隊友㗎。