保錡遭爆大鑊疑是偷食慣犯 舊愛Carrie不甘被分手公開私訊

蘋果日報 2021/01/05 00:39

保錡張沛樂ERROR偷食
    ViuTV《全民造星》出身的ERROR成員吳保錡，被《蘋果》獨家爆與性感女神張沛樂（沙律）十指緊扣拍拖，戀情曝光後，保錡被爆有模特兒女友Carrie，正印Carrie對男友偷食感愕然，強調自己不是前度，「我哋冇講過分手。」不過，男主角保錡就不認偷食，聲稱冇聯絡一個月，沙律亦否認是第三者，更指自己跟保錡一齊時，他與前度已沒聯絡。
    蒙在鼓裏的Carrie，在IG的限時動態貼長文控訴被分手，Carrie接受《蘋果》訪問表示：「睇到新聞真係嬲到手都震，即刻喊出嚟。」她不忿保錡依然講大話，透露收到幾位網民給她的私訊，指證保錡是「偷食慣犯」，網民A：「我住保錡嗰座，7月1（日）見到佢帶個唔似你嘅女仔返屋企，早日move on呢個八両金吧。」聲稱是保錡的舊愛B：「佢同緊你一齊嘅時候，仲搵咗我好多次……一直想約我出嚟，想開房，成日講埋啲曖昧說話又話一直忘記唔到我。到我最尾同佢講，你就唔怕畀你女友知，佢先同我講sorry……佢仲私底下諗住媾我fd俾我識穿咗。」
    網民C更提供跟保錡的對話截圖，保錡約她出來相聚，C反問：「你唔怕你女友知？」保錡覆：「有時，有啲友誼可能過去咗，但可能有一段時間都係重要嘅人。」亦有網民向Carrie爆料，指沙律曾搶人老公：「我好朋友A曾經都受過沙律搶佢老公，令到佢離婚。」
    對於保錡被踢爆是偷食慣犯，Carrie說：「而家好清楚佢為人，原來同我一齊嗰時，可以背地裏搵其他女仔約食飯，人哋唔理佢，佢都可以繼續搵。我相信如果佢本身冇問題嘅話，唔會突然間有咁多人同我講佢係咁搵女仔，帶其他女仔返屋企。」
    Carrie更公開保錡跟她的對話截圖，她暱稱保錡做「肥肥」，證明兩人最後對話是去年11月26日，當時她叫保錡爭取休息，又笑問他：「你做咩扮PA？」保錡答她：「我仲未做完嘢」，還笑指自己真係做PA，只有少少人工，最後跟Carrie說「Night」，冇提過分手。Carrie說：「我同男方最後講嘢係11月26號，跟住1月1號嗰日我頂唔順，我先主動同佢講新年快樂，但佢冇覆我。佢自己承認12月頭就同咗另一個一齊，一個星期後就去咗人哋度玩貓。」
    empty
    Carrie公開跟保錡最後對話截圖，保錡完全冇提分手。（受訪者提供圖片）
    empty
    保錡否認偷食沙律。（受訪者提供圖片）
    empty
    Carrie控訴「被分手」，喊咗好多次。（受訪者提供圖片）
    empty
    Carrie直斥保錡：「而家好清楚佢為人，原來同我一齊嗰時，可以背地裏搵其他女仔約食飯。」（受訪者提供圖片）
    empty
    網民A指曾見保錡帶另一個女仔返屋企。（受訪者提供圖片）
    empty
    聲稱是保錡的舊愛B私訊Carrie。（受訪者提供圖片）
    empty
    保錡曾瞞Carrie偷約網民C。（受訪者提供圖片）
    empty
    有網民安慰Carrie，聲稱沙律曾搶網民朋友老公。（受訪者提供圖片）
    empty
    去年12月13日，保錡同沙律愛貓玩，Carrie指控男友忽然變心。（網上圖片）
    empty
    （網上圖片）
    -----------------------------
    《蘋果》英文版免費試睇：了解更多
    英文版已登錄《蘋果》App，立即下載/ 更新：iOS / Android
    -----------------------------
    支持蘋果深度報道，深入社區，踢爆權貴，即Like蘋果專題及調查組FB專頁！