【準新人注意】婚展一連三日 服務用品應有盡有
地區消息蘋地婚禮博覽
當各位準新人為人生大事籌謀嘅時候,最煩惱嘅係咩呢?工作忙碌而無太多時間去搵並選擇婚體所需?定想搵婚禮嘅優惠?由即日起,一連三日嘅「周大福婚嫁珠寶呈獻:香港婚紗暨海外婚禮博覽2018、香港婚宴暨婚禮佈置博覽2018」就幫到大家啦。一個場地,就有晒各項婚禮所需,等準新人慢慢選購!
展場有超過600個參展攤位,展示中、港、台、韓、日等地嘅婚嫁服務同用品,總有一款啱大家心水!不同嘅嫁囍禮餅都有優惠,包括:美心西餅、Arome東海堂、奇華餅家有限公司、榮華食品製造業有限公司、A-1 Bakery及Blesscuit。另外,仲有不同嘅手作達人參展,包括手造頭飾,CALLIGRAPHY等。除咗買,大會有不同活動讓準新人籌備婚禮更得心應手,包括:周大福婚嫁珠寶贊助嘅「T Mark 卡裝美鑽戒指」卡裝鑽戒大激賞、婚紗晚裝Catwalk Show、婚嫁珠寶匯演、中式婚嫁習俗講座、新娘化妝講座等等。
今次「蘋果優惠」聯同「雋傑國際展覽有限公司」將提供展會優惠( http://bit.ly/2oV8xHH ),只要開藍牙、定位就可以拎到婚展獨家優惠券,當中包括周大福同Joseph Wedding。另外,喺場內消費超過港幣1,000元就額外有禮品一份。快啲同另一半把握呢三日去籌備婚禮,購票入場人士(需二人一同購票)仲送禮品包架!
「周大福婚嫁珠寶呈獻:香港婚紗暨海外婚禮博覽2018、香港婚宴暨婚禮佈置博覽2018」
日期:2018年3月9至11日
時間:中午12時至晚上8時
地點:香港會議展覽中心
入場費:每位港幣$20