超強颱風「飛燕」今午登陸四國德島，是自1993年以來吹襲日本最強的颱風，日本氣象廳警告多地會下暴雨，呼籲民眾小心山泥傾瀉，首相安倍晉三取消到西日本行程，召開災難應變會議。截至今早已有700班航班取消，當地部分新幹線停駛，海陸空交通一片混亂。(新聞連結： https://bit.ly/2M0IDLG )大阪巿西區，有正進行翻新工程的高樓大廈工地外牆大面積倒塌，大批碎片墜落馬路，險象橫生(新聞連結： https://bit.ly/2M0IDLG )

而日本是香港人熱門旅遊地點，歌手古巨基與徐天佑原來亦正身處大阪，蔣家旻的前男友Martin Lam剛才便於ig貼出與古巨基正於大阪的情況，見到基仔戴上口罩與Martin在街頭合照，Martin留言話：「25年最勁嘅颱風在大阪登陸！小弟真係未試過打風在日本！其實冇所謂、不過真係乜嘢都唔開」，之後佢再上載一段短片，見到大阪好大風，同Martin身旁亦有一棵塌樹，查實都頗為危險。但原來Martin於大風下外出，是因為肚餓，要外出「搵食」。

《蘋果》剛才聯絡到身在大阪的基仔，他說：「中午風雨比較大，街上店舖都沒有開。現在市區已算回復正常，有些店舖已開，途人也漸漸多。」

與老公羅力威於大阪度蜜月的雨僑，二人都分別在ig報平安，雨僑留言：「疑似風眼經過的平靜瞬間，較早時風很大很大，感恩有瓦遮頭的路程內還有部份餐廳有營業，可以吃一餐豐盛的，遊客都困在酒店附近，沿路都遇上很多香港人，然後我又回到酒店了，這邊的新聞都看不懂，不太清楚現時情況，希望大家都平安」，本報聯絡到雨僑，她說：「依家啲風細咗好多，只有少少雨，街上都開始多番啲人，不過我哋睇唔明新聞，唔知係咪風眼，食完Lunch就返酒店了。」雨僑亦提到，於大阪的朋友家，已經停電，希望今次颱風不會造成太大傷亡。

問到颱風襲日，可有影響到行程及心情，雨僑坦言：「唔緊要啦，噚日已經去咗環球影城等景點，一樣咁Enjoy！」有網民見到留言提醒他們要證件跟身，與及萬事小心。

精選娛聞，喺晒《娛果》
http://fb.com/appledailyent