『Son姐，我返咗新工，未過probation。我發現公司老闆同隔籬team head係控制狂，想控制我所有的工作，甚麼事都向隔籬team head report。係佢哋team同事偷偷講我聽，我上司不知道。我上司係學院派唔識管理同弱，被隔籬team食住，我對上司無信心。而且，工作性質與預期不符，我擔心對日後我的career path幫助不大。再加上我上司無預備人手畀我處理事務，我覺得好唔妥，想趁未過probation就走。但許多朋友勸我留多陣，因為一個月都未過太短。以你多年經驗，我應唔應該趁早走？』

你所講的問題，在職場中不是什麼新鮮事。我講過無數咁多次，公司文化就是老闆文化。不是硬橋硬馬以為自己好打得，就一定會是贏家，因為每個老闆都有自己那一把尺，用什麼去量度員工是否出色，始終都是老闆說了算，講到底，都是適者生存。

至於工作不似預期，可能對你老闆或者上司來說，你的表現亦同樣不符合他們預期都未定。你見工的時候究竟有沒有問清楚，還是求其是但只求有份工就算？

假假地都是你上司，面對操控狂老闆對頭team，都可以繼續生存，肯定有幾度板斧。逆來順受做鵪鶉，只要老闆buy，都是生存伎倆之一。攞是非做人情，講是非探軍情，靠這種本事搵飯食的人多的是。對家有人來打小報告，來者不善善者不來，瓜田李下，閑事莫理，切忌講埋一份，你專心做好自己事就得。如果你真心相信supervisor唔知，你就真正simple又naïve。

和上司之間的相處，就是學問。上司強或弱，如果能夠配合你的強和弱，可以是天作之合，更可以使突顯你的出色的機會，視乎你的心態。想做，所有問題都不是問題，一定會想辦法克服解決。想走，就會有千萬個理由說服自己此地不宜久留早走早着。

試用期識得試，其實好有用，絕對不會空手而回。

張慧敏
---------------------
兩次聚會 六大名家
分享長中短投資部署
立即點擊參加
蘋果動新聞 x 瑞萬通博【亂市投資攻略】
活動詳情： https://bit.ly/2lMN6tE
-----------------------------
基金資料大集合 一書幫你贏盡強積金
點擊即睇《贏盡強積金》電子書