目前法甲榜首的巴黎聖日耳門（PSG），喺歇冬期特登遠赴卡塔爾，把握機會喺和暖嘅天氣集訓，順便進行一系列嘅公關宣傳活動。其中陣中19歲前鋒基利安麥巴比就認真識做，周六喺Instagram（IG）上傳咗一張，自己身穿傳統阿拉伯服嘅白色長袍，並佩戴紅白格仔傳統阿拉伯頭飾嘅相，年紀輕輕就咁識玩，難怪「忍者龜」喺場內場外都越嚟越紅。

而麥巴比接受訪問時就承認，皇家馬德里球星基斯坦奴朗拿度（C朗）喺佢兒時嘅偶像，但直言自己已經係專業球員，喺來年嘅歐聯對碰上，唔會再對C朗有敬畏嘅感覺。麥巴比又稱：「C朗係一位好出色嘅球員，但大家睇下PSG陣中，我地都有位同C朗相似嘅球員，個個人就喺尼馬喇！」