「香港國際影視展」聽日就會喺灣仔會展舉行，天下一將會發佈嚟緊嘅電影，當中唔少都令人十分期待。好似有由古天樂及劉青雲主演嘅《明日戰記》，套戲o依家就仲拍緊，而後制方面就估計要用1年半時間去做，預計2019年上映。

仲有張家輝第三部自導自演作品，係一套動作犯罪電影，戲名就叫做《低壓槽》，家輝在戲中飾演一名警方卧底，仲留咗一頭長髮加鬍鬚。另外電影版《尋秦記》都會有概念海報，其中一款海報中可見一個側面秦俑頭像嘅外表，但露出機械部份，鐵甲秦俑喎。

杜汶澤身兼編劇、導演、演員、監製四職嘅《空手道》，都已經完成拍攝，進入後製階段。仲有劉嘉玲同吳肇軒主演嘅師生戀電影《以青春的名義》，嘉玲自己仲做埋套戲嘅監製。