范太人面廣，一日有N咁多個活動要參加，噚日竟然去到沙田，主持兩個委任區議員盧偉國同余秀珠議辦開幕禮。余秀珠話同范太相識多年，早前邀請佢嚟切燒豬，范太一口應承，更為此更改其他行程，十分賞面。
喺印度出世嘅余秀珠係香港單親協會總幹事，喺社福界頗有知名度，早前界內有傳佢會出選立法會社福界，余秀珠噚日話畀八方知，由於現時工作都幾繁忙，做多瓣未必兼顧得嚟，所以去馬機會唔大。
本身係中山市政協嘅盧偉國喺香港政壇人脈可能較薄弱，搵咗18位中山市政協嚟撐場，話邀請佢哋參觀沙田公屋建設，可以建議內地興建廉租屋解決住房問題。