馬清儀於1985年當選健美小姐冠軍，同屆季軍是劉美娟，今日傳出馬清儀於本月病逝的消息，劉美娟接受《蘋果》訪問時，稱二人自健美小姐比賽後已沒聯絡，知道她離世的消息，感到愕然，劉美娟說：「佢(馬清儀)一向係好健康嘅人，喺參選過程，佢年齡上係比較大，比當年參賽者大咗啲，雖然係咁，不過佢係好犀利，佢真係練得一身肌肉，佢操練得好緊要，我覺得佢幾叻、幾好嘢。」

劉美娟欣賞馬清儀的毅力，知道她離世的消息：「大家都會覺得好可惜，因為佢並唔係真係年紀好大，亦都睇到佢喺唔同階段做到唔同嘅嘢，其實都幾好，無論點都好，希望佢嘅家人唔好太難過。」