35F日本AV女優明日花綺羅，噚晚同馬俊怡（Rose Ma）噚晚喺柴灣拍廣告，明日花著住tube dress勁谷4吋綫，結果搞到34D嘅Rose勁失色！

之前有人覺得明日花同Rose撞樣，明日花透過翻譯讚對方好可愛，估唔到有人咁似自己。Rose就話：「真係好多謝大家俾面，我覺得明日花靚好多！」之後佢哋好sweet咁整個心心合照。講到今次廣告內容，佢哋異口同聲話要保密，Rose話：「我只可以講係做2姊妹，仲有4個香港嘅男演員，不過係邊個唔可以講，等大家期待吓！」明日花都話：「要保持秘密，有冇親密就要睇情況，不過會有性感！」

之後明日花仲話聽到Rose有好多減肥方法，所以要向佢好好學習，因為佢今個月喺關西有時裝騷，Rose反而讚對方身材好，自己輸俾對方！

精選娛聞，喺晒《娛果》
http://fb.com/appledailyent