在過去艱辛的一年,讓家朗稍為過得輕鬆點的因素之一,是家人的體諒。過去一直親建制,又曾阻止他參與傘運罷課的母親,見識過警察的暴力後亦漸漸明白孩子的堅持,「我同佢親眼睇住個電視直播,岳義士被人打到頭破血流,阿媽話『嘩!有冇搞錯,啲警察邊有可能咁樣㗎』。真實嘅畫面再扣連佢阿仔面對緊嘅情境,就成為佢最真實嘅感受」。
但即使如何轉變,母親對家朗的安全依然非常擔心,「佢成日都同我講,『好想你有未來、想你有得規劃』」。事實是包括家朗在內的大多數香港青年,在社會劇變下難以再為自己計劃更多,「我依家好似『肉隨砧板上』⋯⋯一個大浪冚埋嚟,《國安法》殺到嚟,你都冇辦法為自己人生規劃啲乜嘢。政權就係想摧毀你前途,想你成為一啲冇追求價值嘅生物,為佢服務」。
中學時期的家朗是話劇社成員,代表學校參加過三屆學校戲劇節,兩次獲選傑出男演員,「我好享受喺舞台上代入唔同角色,去參與、思考吓唔同嘅生命」,他又曾跟同學一起做小型短片製作,包辦幕前、幕後。但家朗已將這些興趣和專長統統放下。因為社會運動,他2017年中學畢業後選擇報讀樹仁社會學系。兩年過去,他坦言有點後悔,自覺書本上的理論僵化,難以應用到香港的獨特情況。
鄭家朗仍記得中一那套話劇的情節──未來社會製造複製人用作生產器官,在實驗室中被勞役就是他們的整個人生,他飾演一個覺醒了的複製人,誓要離開實驗室。
在過去幾年,家朗作為一個覺醒了的青年,亦不斷嘗試打破「實驗室的枷鎖」,可惜結果總是令人失望,「TSA又係繼續落去,DSE又係咁樣,染紅教材又係繼續不斷,仲要情況更加嚴重」。最近的罷課公投亦無功而還,無力感像浪般生生不息。但家朗堅信即使政權再強橫,恐懼有多大,仍要繼續,「要有一種覺醒者嘅覺悟,你知道個社會狀態係咁樣,你知道政權係唔會畀任何成功感你,你就唔好奢望,你就要去克服嗰種無力感。就算你做緊嘅嘢幾改變唔到都好,都一定有意義」。
-----------------------------
蘋果25年系列ebook《讀果》上架:
紀實現場 、
世界前線 、
逆權之路 、
叱吒風雲 、
守護真相 -----------------------------
反送中一周年,《蘋果》整理大量涉及警察濫暴濫權等資料,製成詳盡資料庫,請按此閱讀
圖表版本 /
純文字版本 -----------------------------
打國際線 《蘋果》英文版免費試睇
按此了解更多 英文版已登錄新版《蘋果》App
按此下載/更新 -----------------------------
App內1-Click訂閱《蘋果動新聞》
按此了解更多