【醫生話冇可能】大女創奇蹟 鍾麗淇﹕希望喺佢嘅世界train到最好

蘋果日報 2017/12/02 18:24

鍾麗淇四號染色體缺損綜合症大女Isabella
    鍾麗淇（Margaret）嘅大女Isabella患有罕有基因病「四號染色體缺損綜合症」，由於手腳軟弱無力，唔可以自己行路。快將7歲嘅Isabella今日終於有突破，Margaret今日喺ig上載囡囡用學行架行路嘅相片，見佢好努力一步一步前行，感動唔少人。
    Margaret今日接受《蘋果》電話訪問，佢話心情既開心又緊張，佢話﹕「真係第一次，因為之前佢跌傷過個頭，今次啲片我叫好有儀態，平時我係緊張到不得了。」Margaret表示屋企已有4部學行車，但由於好難搵到完全適合囡囡高度及速度嘅學行車，佢話﹕「好難先喺網上見到美國有個合適，就叫喺多倫多嘅家姐幫我訂，都要萬幾蚊，之後再叫朋友hand carry返香港，真係多謝朋友幫忙。」
    Margaret話過去唔少醫生都話囡囡呢個病係冇可能行到，如今奇蹟出現，確令Margaret同屋企人打咗一支強心針，佢話﹕「我唔畀任何limitation，希望喺佢嘅世界可以train到最好，希望佢將來可以獨立行，唔使用架。」問到照顧有特殊問題嘅小朋友係咪好辛苦？Margaret貫徹樂天之命話﹕「我覺得唔係太辛苦，能力做最好嘅就開心，家姐同正常小朋友一樣，我成日都話細女鍾意學跳舞，家姐就學治療，雖然佢講唔到嘢，但知佢都好想獨立，意志力好強。(細女都好錫家姐？)係㗎，但有時肉緊啲，會整親家姐，要教佢gentle啲。」
    更多娛聞，喺晒《娛果》
    http://fb.com/appledailyent
    empty
    Margaret話見到大女進步，自己同老公都好開心。(ig圖片)
    empty
    Margaret細女好錫家姐，但有時肉緊得劑，會整瘀家姐。(ig圖片)
    empty
    (ig圖片)
    empty
    Margaret覺得照顧一位有特殊問題嘅小朋友同其他一樣，都係要給予無盡嘅愛。(ig圖片)
    empty
    細女Michela最鍾意跳舞，好可愛。(ig圖片)