黃品源有首《簡單情歌》，林作都有一首，叫做《最簡單情歌》，今日仲去觀塘為呢首處男新曲拍攝MV，女主角兼編曲黃意雅（Cythina）與填詞人蕭慶峰均有到場。

林作笑言今次係第一次，亦係最後一次，佢話：「新歌有反寸意義，分、失戀都可以好快樂，加上我嘅演繹，係冇悲傷嘅。呢首係洗腦歌，大家都會有共鳴。」咁樣sell歌法都係第一次見。

林作還指Cynthia任老師教他唱歌3個月，唱成點？由難聽變到好難聽。林作笑言：「我要練習放棄嘅心態，不過我出洋相都唔怕，可以成為勵志嘅例子，人生咩都要試一次。」

提到有指早前在專欄中發表文章暗示同麥明詩分手，又指文章中女主角拜金（新聞連結: https://bit.ly/2NYcola ），林作就避談話：「我每個禮拜都唔同，今個禮拜就墮入愛河，上個禮拜失戀。」

林作仲話今次用埋友情牌，搵嚟蕭慶峰填詞，佢今年憑《長相廝守》嘅詞攞咗叱吒最喜愛歌曲獎，蕭慶峰話現時樂壇好多歌都冇病呻吟，呢首歌就係簡單啲，希望大家有共鳴。Cynthia講到做林作唱歌老師，問佢有何評語？她笑：「加油啦！」