日本AV界女神波多野結衣近日到大陸吸金，噚日出席上海一個車展見當地粉絲，吸引大批男士一睹其真人嘅風采。

波多野結衣笑言話呢次行程有新發現，竟然俾佢知道大陸盛傳佢秘密嫁人，波多野自言閃婚消息令佢好驚訝，但就透過微博否認，同fans派定心丸話結婚對佢來說仲好遙遠。

波多野今次有食火鍋同到外灘睇夜景，而佢今日已啟程返日，當佢抵達上海機場時，落車發現一隻白色初生貓咪，波多野見貓貓雙眼受傷及不停悲鳴，佢見狀立即抱起貓仔，雖然趕住上機，但波多野唔忍心見死不救，幫貓貓清潔眼睛再帶俾機場職員照顧，網民都大讚波多野係真女神。