「新債王」岡拉克（Jeffrey Gundlach）昨日在紐約出席投資會議時講到，雖然美股仲有上升空間，但叫投資者要開始減倉，轉買其他市場股票，尤其是印度及日本等國的股市。

他又警告，如果10年期美債孳息率升至3厘以上，美股與債券牛市都將玩完，到時企業債及垃圾債亦將遭殃。而2017年10年期國債孳息率觸及3%的可能性好大。特朗普勝選後，10年期國債孳息率急漲，12月15日曾升至波峰2.5967厘，創27個月新高，其後逐漸回落，目前為2.3886厘。

岡拉克指，好多其他國家股市表現都比較強勁，而且比美股平，印度和日本股市更吸引，投資者應趁美股高位調整之際，多樣化自己嘅資產組合。他睇淡美元，指2017年美元唔會如預期中繼續走高，對新興市場及其他發達國家係好事。

掌握財經生活資訊，即Like「蘋果ATM」fb專頁啦！
http://fb.com/appledailyatm