罹患罕見腎小管酸中毒症的四歲女童劉宇思，日前再度覆診，醫生懷疑她的腎臟出現問題，已於日前入院接受詳細檢查，醫生向其父母表示宇思有五成機會要長期洗腎甚至換腎。劉氏夫婦聞此噩耗，加上面對每日三千多元的住院費，憂心如焚，亟待善長援手。

小別一個月，記者發覺眼前的宇思消瘦了不少，記者問她可有覺得身體哪裏不舒服。宇思輕輕笑說：「手腳痛呀，舅父仔幫我捽，𠵱家冇唔舒服喇。」

身藏計時炸彈
宇思的母親劉太眼看女兒茫然不知自己體內正埋藏着一個計時炸彈，顯得百感交集。「當我聽到醫生話佢腎臟可能出現問題時，我啲眼淚即刻流出嚟，但又唔敢喺個女面前表現得太傷心，我驚會影響到佢，有時佢甚至會𠱁番我轉頭。個天點解咁唔公平，畀佢一個咁樂觀嘅性格，但又要佢受咁多痛苦。」劉太幽幽地說。
四歲的宇思生於內地，其父為港人，母親為內地人士。宇思出世時一切正常，惟前年初她開始出現食慾不振及尿頻病徵，屢醫不愈，劉氏夫婦聽從內地醫生建議申請宇思來港接受治療，證實她患了「范可尼綜合症」。