大陸抄襲事件多到離晒譜，一方面大陸雖然實施「禁韓令」、「限韓令」，但另一方面喺節目製作方面就一面倒挺韓，唔少電視台都最愛抄襲韓國嘅綜藝節目及電視劇，基本上數目多到嚇死人。

早前大陸方面已宣佈開拍人氣韓劇《回答吧！1988》大陸版，當然版權方面就一定冇買到，就連韓國傳媒都有報道有關消息，指韓方未有賣出版權。不過大陸抄嘢一向都名正言順抄，唔會真金白銀俾錢，呢啲係強國特色，所以當呢齣號稱大陸被嘅《回答吧！1988》─《我們的青春期》宣佈將於下周二喺芒果TV開播時，同時亦都公開最新劇照及海報。

《我們的青春期》由大陸演員曾淇、錢冬旎、寇振宇、康寧、張日妮等主演，故事就係講喺80年代尾於南方小城內，5個家庭8個年青人嘅奮鬥故事，睇故事已擺明同《回答吧》差不多，而喺公開嘅劇照同海報，大陸版亦同韓版差不多，做大陸版嘅製作方真係慳唔少錢，唔使請人去構思同設計。

連大陸網民都睇唔過眼，覺得韓版冇人可以代替，同時亦唔希望大陸版會毀咗呢部經典。

更多韓流，喺晒《娛果》
http://fb.com/appledailyent