【新增內容】

一代無綫花旦歐陽佩珊昨午因肺腺癌病逝，終年63歲（新聞連結： http://bit.ly/2u93Z4J ），喪妻的郭鋒今日接受《蘋果》電話訪問時，被問及亡妻歐陽佩珊後事安排：「家人朋友安排緊，我唔講咁多啦。」郭鋒雖然飽受喪妻傷痛，但全程聲線平靜，保持禮貌。

至於與歐陽佩珊相識多年的歐錦棠，今日接受《蘋果》電話訪問時話：「其實未入行細細個就識佢，係因為睇佢套電影《瓊花仙子》，覺得佢好靚。輝哥阮兆輝做反派，同劇仲有林錦堂演華光。珊姐真係好靚，所以入到亞視見到佢同合作，感覺特別強。」

歐錦棠記得當年跟珊姐是合作一套《鬼做你老婆》的輕喜劇，劇中珊姐演一隻女鬼，他說：「嗰時新人一名，雖然珊姐喺廠唔多嘢講，不過好照顧後輩亦都好專業。鏡頭背後冇聽過佢講一句是非。」他透露當時身為無綫人的郭鋒，不時都會到亞視廠探老婆班，非常恩愛。

與郭鋒及歐陽佩珊相識多年的鄭少秋回覆《蘋果》時，覺得消息令人難過：「我聽到呢個消息，嚟得好突然，我都諗唔到，因為佢一直做氣功師夫，我識個武術指導黑仔，佢都跟佩珊學氣功，話佢氣功好有效，佢應該健康，身體幾好。我同佢兩夫婦有合作過，兩個好好笑，佩珊成日笑笑口，郭鋒人好好，希望佩珊一路好走，郭鋒節哀順變。」

此外，為悼念息影藝員歐陽佩珊，大台經典台將於本周五(14日)重播由歐陽佩珊、林嘉華、梁珊、郭鋒、劉丹、羅蘭、秦煌等嘅《發現灣》，全劇15集，逢周一至五，每日上午8點15分、下午2點45分、晚上9點15分及深夜12點30分，分多個時段播出。