韓劇《我係金三珣》36歲女星鄭麗媛日前拍畢新劇《魔女的法庭》後，近日就接受韓媒訪問。

鄭麗媛被問到有關結婚嘅問題，佢就話自己都會去諗，又話：「不過0依家同身邊嘅女仔朋友玩都好開心同有意思。」佢笑言唔少前輩見到佢成日同女仔玩，所以就話佢先冇男人，但佢同女仔朋友就會反問：「呢個好有意思，點算啊？」

鄭麗媛話自己一直都好想公開戀愛，只係時機成日唔啱，所以最後都冇公開，而因為咁樣，最終同男友都分手收場。鄭麗媛直認公開戀情嘅話會更加方便，但最後佢錯過好多時機，佢話想公開戀愛係因為唔想講大話。

而鄭麗媛由去年起已多次傳出與韓國男團WINNER嘅23歲前成員南太鉉譜姊弟戀，不過兩人就否認戀情，唔知鄭麗媛所講關唔關南太鉉事？

更多韓流，喺晒《娛果》
http://fb.com/appledailyent