阿仙奴領隊雲格認為，今時今日嘅歐聯已經失去咗佢嘅吸引力，好多人只不過係咁易揀一、兩場嚟睇就算。

兵工廠今季無份踢歐聯，只能夠踢歐霸盃，雲格連續19個球季參加歐聯嘅走勢亦都中止咗。呢位法國籍領隊表示：「我覺得依家嘅分組賽已經無乜好睇嘅比賽，好多人都係睇一、兩場就算。」雲格仲話，歐聯分組賽依家畀人嘅感覺係好似例行公事一樣，對球迷嚟講已經再無咩吸引力喎！