林雅詩(Grace)、黃建東、郭峰、吳浩良今日喺荃灣宣傳電影《花與她》，今次Grace將會一口氣喺外地開工兩個幾星期，首次離開囝囝咁多日，佢話自己都好擔心，0依家不停心理輔導囝囝，仲答應任何時候可以視像。戲中林雅詩飾演面臨婚姻問題嘅失憶女子，到時佢會同黃建東、吳浩良演三角戀，

呢套劇會去東南亞陽光與海灘嘅地方取景，劇組本來有計劃到泰國，但現時會改地點拍攝。話明陽光海灘，林雅詩透露會自備泳衣順便大解放relax下，唔好浪費咗個靚景，仲叫黃建東要帶十條泳褲去配合下，郭峰話到時可以大飽眼福。

近排因為惡搞日本洗腦歌《PPAP》而惹嚟高點擊嘅黃建東，佢俾吳浩良笑問佢男戀定女戀，黃建東否認真身係hehe兼話：「有人聯想即係我扮得似，唔介意再激進啲演出，首先要操fit先，比以前選港男肥咗四十磅，之後有部劇要求有六舊腹肌，要加緊努力操，唔係就可能損失咗。」突然在網上有起色，黃建東形容自己事業重燃希望感覺。