潘曉穎母親最後吶喊｜細訴愛女20年｜睇唔到佢大學畢業
蘋果日報 2020/10/27 22:41
潘曉穎陳同佳台灣自首逃犯條例
「曉穎話大個咗做嘢，一定要買間好大好大嘅屋畀我哋， 請兩個工人服侍我哋，但而家乜都冇啦！」潘媽媽結婚多年，一直沒有所出，在醫生朋友幫助下才誕下曉穎，得來不易，她形容愛女孝順、乖巧 、聰明，是一百分的乖女兒，「媽咪一定會幫你討回公道，否則死唔眼閉。」
潘媽媽與丈夫結婚數年，膝下猶虛，在醫生朋友幫助下才成功懷孕：「其間唔能夠出街，搭車坐的士，真係得來不易。」她表示，由於父親較忙，兩母女關係相對密切，小時候，潘媽媽會每晚講故事和唱歌哄她入睡。
曉穎喜歡去海洋公園，參觀鯊魚館及掟公仔，長大後愛去迪士尼樂園，潘媽媽表示，女兒有心事愛跟她分享：「放學傾吓偈，講佢學校啲威水嘢。」
3年前生日在蛋糕前許願。圖片由被訪者提供
有一次，學校畢業禮，曉穎將會上台攞獎，父母想去觀禮卻沒門票，曉穎幾經辛苦才取得兩張門票。拿着獎項的曉穎，事後信心滿滿對父母說：「呢啲小兒科，大學仲叻，可惜睇唔到佢大學畢業禮。」潘媽媽說時不禁流下眼淚。
她最難忘女兒的孝心，有一次，父親半夜手臂突然腫脹，曉穎縱使翌日要返學，也主動陪同父親看醫生，對她孝心深受感動，說到給女兒打個分，她直言是一百分。
潘媽媽又說，家中女兒的物件原封不動，日本裙和熊公仔等依舊放在房間內。睹物思人，沒有一天不哭，「阿女係我哋獨生女，寶貝女，為佢討回公道先可以撐到今日。」
曉穎在校內亦樂於幫助朋輩，亦是老師眼中的好學生，曾獲校內朋輩輔導員計劃嘉許狀。圖片由被訪者提供
曉穎曾獲校內獎學金，當時向父母許下承諾，「我大學畢業時會仲叻呀！」圖片由被訪者提供
曉穎在VTC成績不俗，以優異成績畢業。圖片由被訪者提供
曉穎5歲時，母親（左）帶她到海灘玩耍。圖片由被訪者提供
曉穎5歲時跟父母到遊樂場玩耍，潘媽媽微笑說，「你睇佢個樣幾招積！」圖片由被訪者提供
你敢爆，我敢獎！ 立即WhatsApp 《蘋果》24小時爆相爆片熱線 或致電：63836568
-----------------------------
《蘋果》英文版免費試睇：了解更多
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！