薛凱琪（Fiona）今日就到電台宣傳新歌《弗洛蒙》，佢話呢個名係一種異性相吸時腦內嘅分泌物，會令人發出香味喎，Fiona就話都覺得以前男友都係好香，咁房祖名係邊隻香味先？佢諗一諗就話：「係一種好歌手、好演員嘅氣味。」

咁邊個前男友最香先？Fiona就話會係未來老公囉﹗吓﹗

Fiona又透露嚟緊都要為9月初舉行嘅演唱會做準備，會唔會請方大同做嘉賓？佢就話要同監製度下個Rundown先﹗

講到Coffee（林芊妤）被爆與男友「廁格大戰」，Fiona就話：「都影唔到門後面，我以前喺電台做節目時，做出一種音效，唔一定代表做緊嗰樣嘢。廁所空間有限，有碰撞聲唔出奇。我通常都係同女助手入廁所整衫，自己都唔評論，唔想佢哋尷尬同更大壓力。」