【子健蘋馬】我哋勝在有得揀!畀我揀都會先揀鴻圖福星
鴻圖福星子健蘋馬潘頓沈集成泥地賽
面對每一次泥地賽,常遇到兩大難題,一係多馬揀,二係唔知點揀。
睇睇周三(12日)晚二班1200米組別,雲集多匹泥地好手已經知道。多馬揀又煩,唔知揀好唔揀好又煩,有一大批有泥地證明馬,已夠煩!
再加入另一類有近績,初試泥地的馬,如「綠野先駒」、「鴻圖福星」、「好運」等等,這類不明物體,究竟泥地得定唔得?
只能根據晨操及試泥閘表現,估佢哋得唔得!一般而言,睇見唔怕食泥,直路肯追,都會視為指標,當然好多這樣的馬,落場真跑有如兩回事;可是要玩卻唔可以唔睇,睇得就預咗會有錯。
錯都無計,都係要睇,整體覺仍以有速度,可擺前走馬,試泥閘只要唔太差,落場一般都較易適應,比起中置、後追,睇錯機率較低。
我哋做馬迷,勝在有得揀,畀我揀都會先揀「鴻圖福星」,這類速度型跑法馬,唔使驚落場食泥會唔追?
既然沈集成唔等谷草,決定轉爭泥地,相信佢都睇過,試泥閘表現(試三次兩勝一位),以及聽過主試潘頓的意見,才會落此決定,會唔會錯?可能會,要錯,一齊錯,唔會唔甘心!
-----------------------------
新聞有價 你肯為《蘋果動新聞》付幾多錢?
https://hk.adai.ly/QDTT6y5mgX