【保女友名聲】洪永城爭住認無洗碗「元兇」 冀同居互相調整壞習慣
陳豪洪永城宣萱滕麗名
洪永城、陳豪、宣萱、滕麗名等今日出席大台新劇《陀槍師姐2020》活動,洪永城對於女友梁諾妍(Inez)直認同居,他強調不是試婚:「純粹試吓一齊生活係點,我相信喺生活上有好多嘢要磨合。」提到Inez被經理人踢爆,試過有10日沒有洗碗,洪永城立即維護女友:「好似話我,冇咁誇張,一個禮拜啫!我比較唔鍾意洗碗,大家都懶啦!大家仲係學習當中,咁每個人都有啲壞習慣,希望嗰啲壞習慣,可以喺一對情侶嘅生活途中一齊調整吓,調整到就好開心,調整唔到都要搵辦法調整。」對於Inez表示不介意奉子成婚,洪永城坦言一樣,朝住這個方向。
今輯《陀槍》除了滕麗名、朱咪咪有得留低,其他演員已不再是昔日班底,改由陳豪和宣萱擔任主角,他們表示今次很榮幸有份參與,宣萱說:「我唔會有壓力,因為今輯完全係另一樣嘢,同以前嘅好唔同;喺一啲多事件發生嘅時候,希望帶到一啲輕鬆心情畀大家。」
陳豪透露在劇中有不少打鬥場面,因而試過受傷,他說:「跑嘅時候,隻腳有少少事,好奇怪,幾個演員都有事,海俊傑、羅仲謙,但好彩最後大家都冇大礙。」宣萱坦言因為受疫情影響,所以劇組遲遲未有舉行拜神儀式,所以只好帶着護身符開工保平安。飾演黑幫的洪永城,在劇中有出浴場面,他笑說:「劇集入面有幾個身形比較出眾嘅男演員,但唔包括我,佢哋有好多出浴,見到佢哋咁fit,我只會攞條毛巾披住自己,悄悄地喺後面行過就算,我盡量唔好失禮大家太過難睇。」
-----------------------------
打國際線 《蘋果》英文版免費試睇
按此了解更多 英文版已登錄新版《蘋果》App
按此下載/更新