【最佳導演】《樹大招風》被大陸封殺禁提 黃偉傑:呢套香港電影喺香港拍嘅
黃偉傑歐文傑內地封殺樹大招風許學文
電影《樹大招風》喺噚日金像獎橫掃5獎,不過電影喺大陸被全線封殺禁提,而慶功宴上三位「最佳導演」歐文傑、黃偉傑、許學文接受訪問,亦被問及此事。
問到導演歐文傑因為拍過《十年》令《樹大招風》喺內地被封殺,另外兩位導演會唔會覺得無辜?黃偉傑就非常齊心,表示:「其實都唔會,我哋都係拍香港電影,同埋杜sir畀咗好好環境我哋創作,同埋呢套香港電影喺香港拍嘅,所以杜sir冇影響過我哋創作、冇改過任何嘢,畀咗百分百自由我哋,因為有呢個好嘅創作環境,我哋都好尊重佢。」
至於會唔會堅持做自己想做嘅電影?許學文就話:「一定會係咁!」而黃偉傑續指:「作為創作者我哋都有自己意慾,有我哋希望想講嘅故仔,做有良心嘅戲,所以會繼續堅持落去。」因為喺大陸被打壓,會唔會因此想講多啲社會議題嘅電影?歐文傑就話:「其實我哋做創作唔會咁樣去諗。反而題材會唔會好感動到我哋,呢個唔關政治上同審查上嘅問題。」