楊主光早前揚言要全面攻打香港電訊（6823），只因對方率先出招減價，「你打我一拳，我打返你三拳。咁你砌我mobile我點樣淨係用mobile還手啫？搵多啲野嚟還手囉。」其中一拳正是打破現時村屋寬頻被對手旗下網上行（Nevigator）壟斷的局面，推高上網速度，「唔係6MB、8MB、30MB，係1000MB！」

還擊的三拳，就是「ATM」策略。A即是A/xDSL寬頻，搶佔村屋及零碎私樓客戶、T是家居電話（telephone）及OTT、M是流動通訊（mobile）。

香港寬頻（1310）伙拍萬匯基建（鄉村）有限公司，致力搶佔村屋客，即「A」策略。香港寬頻本身亦有於村落挖路鋪設光纖，但為數不多，且成本高昂；現時就主要租借萬匯的地方網絡，推售1000MB家居寬頻、mytv super及等不同產品。楊主光坦言：「某程度上係村屋或者成本較高嘅地方，我個原則就係，其實唔好令我蝕本我就去架啦。」

由於村屋寬頻市場存在壟斷情況，就算村屋網速慢、月費卻較市區貴一大截，村民亦別無他選。楊主光指出，現時不少村屋客戶月費最少由200元起跳，但速度只得6MB、8MB、30MB，「仲要唔係上下載同速！」

他續解釋，由於村屋成本較高昂，費用不能與公屋用戶相提並論，甚至不會比對手便宜，唯有從速度上取勝，「可能都係收返佢（指村屋客）2百幾，298甚至乎338（元月費），但係唔係6MB、8MB、30MB，係1000MB！仲要有埋家居電話、mytv Super咁，對佢嚟講係一定有賺！」說到底，同一個價錢，但就可能享受到4合1綑綁服務及更高網速，似乎又掀起另一場價格戰的戰幔。

目前香港寬頻與萬匯合作一年多，村屋上客屋已達3萬多名。楊主光稱，雙方已協商未來12個月會再多上5萬客；按目前全港村屋約25萬名計算，即最少三成市佔率。

值得留意是，特首林鄭月娥日前發表上任後首份施政報告，其中亦有關注村屋鋪網問題。報告建議，由政府牽頭，並透過資助形式，鼓勵電訊商把光纖網絡擴展至位於偏遠地區的鄉村，估計約 380 條未有高速寬頻服務覆蓋的鄉村、接近 17 萬名村民可以受惠。

至於「T」策略，楊主光則大賣關子，指月底將推出新產品，其「把炮」之處，在於即使不是香港寬頻的鋪網範圍，仍然能享用其家居電話服務，「即係長洲、坪州、南丫島呀，全香港邊度都得，只要佢屋企可以上到網」。

記者：溫婉婷
動新聞：梁杰華
剪接：周釨堅

蘋果財經，關心你飯碗
http://fb.com/appledailyatm