當年今日
關於我們

中環在線:許智明、劉夢熊越鬧越烈 - 李華華

蘋果日報 2007/05/15 00:00


做生意搵啱拍檔真係好重要,話說舊年,中聯石化主席許智明攞咗馬達加斯加兩個油區嘅發展權,智富能源董事劉夢熊知道咗,最後智富用新股加現金,買咗2014區塊21%股權,仲開埋記者會。
不過就因為個公關唔識嘢,就咁將個好虛無嘅遠景儲量直接乘當時個油價,當做嗰區塊市值(9000億美金),條數驚人,但劉夢熊竟然照稿讀,咁就出事,中央電視台《經濟半小時》有一集就話佢作大,最後搞到許劉兩個人面左左。
前日許智明出聲明同見記者,話已賣晒揸住嘅智富股票,智富至今只畀咗104萬,唔會畀智富增持個油田到51%。佢仲話智富批股畀北控或會就咁泡湯,搞到劉夢熊都要整番個聲明,話批股畀北控個交易已完成,增持唔係批股嘅完成條件,舊年買21%股權亦畀晒錢,保留追究權利,即係叫許氏收聲,咁搞法,真係唔知點收科囉。