個案一:
日前,記者約了阿儀及其母親阿冰到就近的百貨公司選購棉褸,小妮子忙於試穿各式各樣的棉褸,瞬間她便挑選了一件棉褸,她笑瞇瞇地說:「我想要呢件褸,呢件褸好舒服、好暖吖﹗」
穿上棉褸的阿儀一臉正經地向記者表示:「成日着家姐啲衫,覺得好大件,但又唔敢叫媽咪買,知道屋企冇錢,今日多謝好多哥哥、姐姐捐錢買衫畀我,冇佢哋捐錢,我就冇新衫着。」
生活捉襟見肘
三十八歲的阿冰早年與丈夫仳離,現獨力照顧阿儀及十四歲女兒,以往她曾開設時裝店,維持生計,惟數年前生意欠佳,致債台高築被迫結業,一家三口現靠綜援金度日,扣除基本伙食費及女兒購買補充練習等教育開支,口袋難有餘錢。
為了節省開支,阿冰甚少購買衣服予幼女,其所穿的衣服皆是胞姊轉給她,這些衣服較為單薄,以及尺碼較大,令阿儀穿起來衣不稱身。
感激善長關懷
阿冰坦言,「若果買咗新衫畀佢,我哋三餐又要再慳啲,心情好矛盾,感激善長咁有愛心去關懷小朋友,起碼令佢哋嘅童年開心啲,實際上又幫我哋慳番唔少錢。」