凌波和金漢，六十年代邵氏影星，凌波更是六叔愛將。當年凌波忽然宣佈準備與金漢結婚，一度傳出邵氏對凌波此舉不大高興，但也無可奈何。凌波與金漢結婚之日，邵氏宣傳部中人並無從旁協助，其他人員亦無代表公司致賀者，引來不少揣測。當時也有傳六叔原本謂可以借出場地給他們擺酒，並且播出喜宴過程，但金漢和凌波認為結婚是兩人的事，予以拒絕。及後邵氏與凌波更就合約糾紛對簿公堂，震動全城。

多年後，凌波接受訪問時話:「我好明白老闆（六叔）心情，佢栽培我，我又做亞洲影后，乜乜乜……佢好反對我哋結婚。但當時冇諗咁多，叫我唔結，我就結，叫我唔好去台灣度蜜月，我就去。」金漢就就表示:「當時佢（六叔）好反對，我冇理，一定要結。佢希望我哋喺邵氏舉行婚禮，但我哋冇接受，最終只係平平靜靜行禮。其實，當年我追佢嗰時，六叔已經雪藏我。」

事過境遷，凌波和金漢亦已長居內地多年。岳華、凌波、金漢三位邵式電影時代的巨星，今日在收到六叔離世消息後即召開記者會，但金漢凌波兩夫妻因趕不及而未能現身。及後記者於兩人下榻、位於土瓜環的八度海逸酒店等到凌波和金漢，兩人懷念往事：「六叔建立嘅邵氏似中國荷李活，佢工作勤力、認真，每次拍戲一定第一個到，最後一個走，上車仲睇文件。我曾拍過一部《紅娘》，六叔因唔滿意，燒咗冇上。」金漢爆料指六叔愛看爛片，他說：「佢一次會睇四、五套，唔係人人都得。」