被傳跟嘉碧儀爭石修兒子陳宇琛的Kawaii，前日接受記者訪問時，指其新年願望是與嘉碧儀一起主持《勁歌金曲》，然後一起爭男主持啤梨（葉文輝），更着原來主持的陳松伶去拍劇；沒料到Kawaii此番話竟惹來松松不滿。

嘉碧儀是好女仔
作風一向低調的松松，昨日禁不住在電話中回應說：「我聽到之後，只會當笑話一則，《勁歌》係一個音樂節目，唔係爭仔場，而且，一個好女仔實有大把人追，唔需要同人去爭，嘉碧儀係一個好女仔，一定唔需要同人爭乜爭物嘅。」
問松松可認為Kawaii是一個好女仔？松松說：「唔知道，我唔係好清楚佢為人。」對於Kawaii指新年願望是希望松松拍劇，松松聞言不禁失笑謂：「佢呢個願望好多年前已經實現咗啦，一路以嚟TVB都對我好好，一路有搵我拍劇，今年亦唔會例外。」
採訪：戴彩煥