杜汶澤(阿澤)日前喺奇妙電視節目《杜汶澤食住上》嘅第4集預告中，就爆出田蕊妮喺登台時，俾老闆拔槍指嚇，由於太過「戲劇性」，所以就算件事過咗好幾年，阿澤依然記憶猶新。(新聞連結： http://bit.ly/2s9TTyV )

呢集節目噚晚正式出街，阿澤就講埋件事嘅下半集。佢話當時收到老婆求救急call，即刻搵咗6、70個深圳朋友幫手，佢哋仲book咗架旅遊巴士上去營救田蕊妮。點知過咗陣，田蕊妮就打番電話俾阿澤，話已經收到老闆酬金，仲話自己已經順利表演完啦，叫阿澤啲朋友唔好上去。

阿澤喺節目中話當時佢都有問老婆，點解老闆無啦啦會拔槍。點知田蕊妮同佢講：「老闆講吓笑！」杜汶澤就話：「咁我就打番畀啲朋友啦！嗰萬八蚊(田蕊妮登台酬金)都唔夠我去請食飯。」