韓國天團BIGBANG成員太陽於上月12號喺江原道鐵原郡第6師團青星新兵教育隊報到，佢接受5周基礎訓練後繼續服役21個月，預計明年12月11號退伍。而今日太陽就完成五周基礎訓練，今日現身軍營時獲唔少粉絲到場力撐，太陽亦好貼心，即時行近粉絲堆中同佢哋握手及打招呼。太陽之後就會喺江原道鐵原第五炮兵旅團作為一名炮兵(陸軍兵種之一)繼續服役。

太陽入伍前於2月3號同拍拖多年嘅演員女友閔孝琳結婚，閔孝琳今日就唔覺有現身，但佢為雜誌拍嘅新相就於今日公開，當中人妻閔孝琳狀態依舊，依然美麗如昔，未有因為掛住老公而影響靚樣。

至於以公益兵服役嘅T.O.P噚日就喺梨泰院被捕獲，而勝利亦喺Instagram透露將於A Pink嘅孫娜恩有合作事宜。

更多韓流，喺晒《娛果》
http://fb.com/appledailyent