當年今日

人氣水著菊川怜率10師妹網上賣大包

蘋果日報 2002/02/24 00:00


日本二十三歲人氣女優菊川怜,日前帶領同樣以水着少女出身的十位師妹,齊齊出席一新網站BroadwayChannel的網上日劇台DreamBroadway開幕記者會,宣傳嶄新的網上收費日劇。

3分鐘收6蚊
此網站將在下月十一日開始接受預訂,十四日正式播放日劇,十位菊川師妹會輪流主演一套三分鐘的短篇日劇,收費為每套一百日圓(約港幣六元),可謂非常賣大包。雖然十位水着少女人氣微弱,但劇集的製作班底卻非常鼎盛,全是有份參與《大和撫子》、《庶務二課》等日劇的編劇及導演,保證水準可和電視日劇看齊。
而菊川雖沒有主演其中任何一套日劇,但在記者會上卻拋磚引玉地說:「想見我,你哋就要訂晒十套劇嚟睇啦!因為我都唔知會出現喺邊套度㗎,我重會以唔同嘅形象出現。網上日劇係新嘅娛樂方式,我身為代言人都好開心。」

電子狗贈fans
菊川在記者會上,更即時抽出一名fans,送出她飼養了三十日的電子狗寵物,視該電子狗如命的菊川叮囑fans說:「你千祈唔可以教壞我隻狗㗎!」
DreamBroadway網址:www.brochan.net