安仔返港避談高層新歡
蒙嘉慧爆戀聞成笑柄

蘋果日報 2004/02/22 08:00


蒙嘉慧、林學華、何超瓊及馬詩慧昨日往銅鑼灣利園第二期,出席意大利皮革名牌BottegaVeneta的新店開幕活動,以新髮型示人的蒙嘉慧昨日全身均是BottegaVeneta的作品,她賣口乖說:「我一向好鍾意呢個牌子,我唯一一個過萬蚊嘅手袋就係幫襯佢哋嘅。」

「識唔晒啲同事」
蒙嘉慧對於與她同屬M8娛樂公司的許志安被傳戀上前高層張鳳儀,問蒙嘉慧此事是否屬實?她即說:「我唔會幫人澄清嘅,不過全公司上上下下都當係笑話囉!」
而許志安昨日則一臉倦容從台灣返港,問他是否認識M8前高層張鳳儀時,他起初扮作聽不到,及後才說:「冇印象,或者我冇記性,我真係識唔晒公司嘅同事,你哋重清楚過我。」而有關鄭秀文(Sammi)的精神及健康問題,安仔一概避談。

自爆多鬼祟肉
另外,蒙嘉慧表示很喜歡買手袋,情人節本計劃買新手袋,最終卻買了一個新銀包給男友,她說:「男友收咗個銀包後本來冇乜表情,但拆開見到個間隔後就好鍾意。」問她男友送了甚麼禮物給她?她則賣關子說:「唔講得,係秘密。」看來消瘦不少的蒙嘉慧,卻表示仍有不少贅肉,她說:「可能係新髮型引起錯覺啫,其實我有好多鬼祟肉㗎!」
採訪:JessicaNgan、CamelLok
攝影:EdwardChou、CamelLok