【反應熱烈】千嬅送氧氣樽打氣 草蜢宣佈演唱會加場

蘋果日報 2017/09/20 16:35

楊千嬅草蜢加場紅館演唱會
    草蜢日前開賣嘅11月5至8日四場《草蜢“Live Goes On”世界巡迴演唱會》香港站，由於反應熱烈，草蜢今日喺北角宣佈加開10日一場，當草蜢開香檳時，好友楊千嬅驚喜現身祝賀，並送上氧氣樽打氣，笑指事前可以吸定，唔驚跳到冇氣。蔡一智則回贈自己設計演唱會Tee，喻意千嬅接棒喺12月開騷同樣成功。
    跳咗一日先加場，問草蜢係咪留伏線開多場？蔡一智笑住話：「我哋以為已經做到冇縫。」蘇志威同蔡一傑指休息一日好正常，而休息並非草蜢，係髮型師同舞蹈員，所以楊千嬅送氧氣樽其實係留畀佢哋用。
    講到會否邀請千嬅做嘉賓，佢哋指千嬅到時都忙開騷，調轉其實我哋可以做佢嘉賓，甚至幫手搭台，蔡一智再話：「我可以幫手換衫，不過丁生唔肯。」計埋今次總共喺十二年內開咗十次紅館演唱會，佢哋指之前九次只係練習，今次係正式畢業演出，佢哋又廣邀大家將演唱會送花嘅錢捐出，收集後撥捐張玉珊籌辦嘅社區廚房，再派發飯盒予有需要長者。
    empty
    演唱會由於反應熱烈，草蜢今日喺北角宣佈加開10日一場。
    empty
    好友楊千嬅驚喜現身祝賀，並送上氧氣樽打氣。
    empty
    蔡一智則回贈自己設計演唱會Tee，喻意千嬅接棒喺12月開騷同樣成功。
    empty
    跳咗一日加場，是否留伏線開多場？蔡一智笑住話：「我哋以為已經做到無縫。」
    empty
    蘇志威同蔡一傑指休息一日好正常。
    empty
    empty
    佢哋又廣邀大家將演唱會送花嘅錢捐出，收集後撥捐張玉珊籌辦嘅社區廚房，再派發飯盒予有需要長者。