火火同李健宏(KB)今年4月出發去巴西、里約熱內盧、亞馬遜河等地拍攝Viu TV另類旅遊節目《真PK Trip》，之前經過21日艱苦旅程，又要要錫野生鱷魚、攬蟒蛇、跳落食人鯧水域等。

火火之前講過去探訪土人，見面禮要俾藤鞭打三下，搞到背脊損咗，土人燒龜當大餐招待佢哋，之前仲爆佢哋試過裸體喺巴西街頭裸跑買橙汁。

《真PK TRIP》嚟緊7月2號晚上10點就播，日前喺facebook推出預告片，稱呢個係「五星級受難樂園」，用心折磨火火同KB，見KB不時尖叫，鏡頭一轉又見鏡頭影到鱷魚，坐喺艇仔嘅火火都忍唔住係咁話：「Stop!Stop!」就知佢哋幾驚!