當年今日
關於我們

洪金寶愛駒突然翻生!嘉琦妹差啲K.O.潘頓雷神

蘋果日報 2016/03/06 06:00

us

這天沙田跑日馬,早段場次除枕住熱Win之外,細冧巴馬起勢入凱旋門。當中繼頭兩場分別由2號「故事」及1號「乘勢好運」勝出後,第三場一班1000米直路賽,頭馬大摩旗下潘頓操刀之「新力風」亦係1號,加埋2號「積多福」、3號「崇山寶」分別跑二、三名,全日出馬最少八駒場合,順序開出1至3號馬三重彩,第四名係5號「兵威振」,四重彩派4,501元。
講番「新力風」,今場負133磅,讓「積多福」13磅仍可後上險勝,認真犀利,這匹大熱門馬獨贏齊頭派30蚊,組合獨贏A1則派16.5元,「新力風」騎練潘頓同大摩自季初破冰恢復合作以來,累積兩捷都係此駒產生,潘頓連勝五個賽日未斷纜,今季頭馬升到剛好40場,繼續排喺騎師榜第二位。
今場最令人驚喜其實是洪金寶愛駒、19倍之「崇山寶」,久沉馬在蔣嘉琦胯下突如其來,一貫放頭末段竟不斷,曾看似有勝望,最終只輸短馬頭位,差點撼贏潘頓「新力風」及雷神「積多福」,明顯回復戰鬥力。