當年今日

天籃地北:萬聖節巫師夜話

蘋果日報 2002/11/02 00:00


一個陰森的萬聖節晚上,不幸的綠衣軍要遠征華盛頓。當眾人正因要比賽而沒法參加洛文的halloweenparty而發脾氣時;赫然發現一高大身影攔住車子。綠衣軍大着膽子,硬推綽號「九命貓」、曾身中二十多刀不死的皮雅斯下車看個究竟。
皮雅斯走近一看,原來是化妝成巫師的佐敦,口中念念有詞:「Trickortreat、trickortreat。」被嚇一跳的皮雅斯看清後即破口大罵:「你幾十歲人發咩神經呀,喺度攞糖食。快啲走開唔好阻住我哋打完波去party啦,幾十歲人都唔化嘅。」說罷便跳上車揚長而去,留下呆若木雞,一心來給塞軍驚喜的佐敦。

大猩猩助紂為虐
鏡頭一轉,回到巫師主場。在更衣室中,佐敦正大發雷霆:「佢哋唔畀面我,即係睇唔起巫師。今次佢哋嚟到,一定要好好招呼,知冇?」「哦!」喺大猩猩伊榮嘅監視下,無奈嘅巫師隊員只好虛與委蛇。「尤其係你兩個!」佐敦說完即手指向史達侯斯和加域布朗。
「新嚟新豬肉,你兩個今次一定要做番場好戲;如果唔係,哼!」看着一面獰笑的大猩猩和他手上的藤條,史、加二人立即口震震地:「Yes,sir!」
這就是巫師「大炒」綠衣軍,背後不為人知的故事。
文:仙道彬
e-mail:[email protected]