當年今日
關於我們

一味窩輪:中鋁強勢4870吼位買

蘋果日報 2005/11/17 00:00


是日港股方向唔清晰,恒指高低波幅80點,埋單進帳23點。跌股係升股嘅1.3倍,落場炒輪只宜輕注。搵C輪炒,最好等正股平啲先至埋手。
中鋁C輪4870:鋁價近排高升,中鋁(2600)硬淨,現價5.10元,係3月以來高位。估計短期內先整固,遲吓繼續有運行,中鋁C輪要望多兩眼,不過要等平些少始郁手。
中鋁C輪最熱門嘅係4870,明年6月夠鐘,輪價48仙,溢價5.1%,槓桿率10.6倍(有效6.4倍),引伸波幅26.2%。昨日正股升1格,隻輪跌1格,溢價收縮。冷門C輪4911,係穩陣之選,贏輸細好多,弊在交投太靜,得17萬份易手。4911明年6月到期,溢價1.8%,槓桿率5.1倍(有效4倍),引伸波幅34.4%。
思捷C輪4718:歐元兌美元近期向下,思捷(330)股價亦向下,昨日又跌0.80元,見51.55元,若再見6月低位50元左右,買C輪望反彈,博1次,咪成日博。
思捷C輪正路之選係4718,明年2月初到期,輪價22.3仙,溢價6.9%,槓桿率23.1倍(有效9.6倍),引伸波幅34.2%。正股本月28日除息1.44元,隻輪實際溢價高過表面數字2.8個百分點。
章盛