馬會主席葉錫安及副主席周永健合作無間，帶領馬會業務蒸蒸日上，不過今次（9日）沙田賽事，兩人將打對台。

第五場四班1000米直路賽，葉錫安隻團體馬「快寶駒」，與周永健之「心感」同場對壘，如果職銜定勝負，就梗係「快寶駒」先過終點；但跑馬講實力，「快寶駒」上季四Win後暫時冇乜表現，不過上次落番四班復見接近，而「心感」三歲仔就開始有少少進步，而且「心感」母系家族出過匹1000米百年紀念短途盃盟主「燦惑」，今次初跑直路賽，都唔好睇小。