吳綺莉日前涉虐兒同涉毒，到依家都仲未可以見到囡囡卓林，而今日同樣係人哋爸爸媽媽嘅錢小豪同麥家琪，今日出席活動嘅時候，都有講到呢一件事。

錢小豪就話家家有本難念的經，覺得吳綺莉單身媽咪湊大個女好辛苦，仲話：「我覺得有乜嘢留番畀佢哋自己解決。其實我個仔0依家都日日攬住我鍚，咁溝通有冇困難都會有，成日當佢朋友都會有磨擦，我諗要體諒佢，我唔識佢，但我估佢都好辛苦，畀啲空間佢。我同我個仔一見面就打，打遊戲機，係要溝通。我睇過網上一啲片段係小學雞鬧嗲哋媽咪，咁你話打唔打佢好，係咪有啲矯枉過正，有時體訓打下手板或屁股都叫虐兒，但有啲小朋友好細個十歲八歲就鬧嗲哋媽咪，用粗口鬧，好似冇得反抗，希望大家家和萬事興。」

而麥家琪就話：「我有個完整家庭都好辛苦，佢單親媽咪處境係會點呢？佢都話佢冇打，大家就投信心一票先，都明辛苦，湊小朋友係咁多樣職責入面最難，難過做人老婆，難過打份工，因為一個小朋友將來喺你手上面，你要去教。我本身係好火爆嘅人，我嘅火都收咗40%，有時都想xyz，都叫佢哋：『你哋唔好咁啦。』平時都係由我負責做嚴母，若果佢哋三個小朋友一齊玩時，我都好少去叫佢哋唔好做乜唔好做乜，畀佢哋自由去做，除非係好冇禮貌。」