【本報訊】餵猴30年，蔡慶熊見證猴王幾代更替。他說兩年前尚有五大猴王各據一方，但時至今日五大話事人先後過世，馬騮山一帶由四大猴群盤踞，族群內部亦爭權奪位。這日他帶記者到金山家樂徑餵猴，他望着面前猴子說，要分辨猴王「唔只睇樣，仲要睇條尾，條尾翹起嗰啲就夠惡，就係猴王」。

樹上「天文台」監察

蔡慶熊將現時四大猴族，改名為孖指族、阿七族、大嚿族和儍仔族，他指以猴群達500隻的阿七族最惡，不過猴王阿七已歿，族群分裂兩派，金山家樂徑正是阿七族轄區。他突然停步，指住面前左右兩棵大樹，「天文台喺嗰度，呢度一隻，嗰度一隻」。原來，猴國亦有探子哨兵，猴王出動，探子分佈四周監察安危，「有乜危險佢哋會嗌，嗌同伴走」。
此時，他突然舉手指着兩隻尾巴翹翹、一臉剽悍的公猴，「𠵱家輪到呢兩個爭阿七族個王位」。記者望過去，兩隻準猴王已跳入樹林，無緣一見；蔡說「一隻右眼有個紅點，另一隻條尾打孖鞭，中間甩咗撮毛」，日後勝方便可登王位。
■記者關英傑