與曾蔭權相交多年的民主黨前立法會議員何俊仁及李永達今早亦有到法院旁聽。李永達回覆《蘋果》查詢時指是自發出席，「我記得今日要去（旁聽），所以約埋何俊仁去，我同曾蔭權識咗27年，91年已經識佢喇，作為朋友，點都好，（對方）點樣困難時候，唔多唔少都要畀少少支持。」

李永達指今早曾與曾蔭權短暫交談，雙方沒有談及此案，只是分享近況，「佢知道我去咗南美洲旅行，咪好輕鬆咁傾下」。

他指作為朋友，「梗係希望佢3個上訴都甩晒，宜家有減刑、有啲堂費減咗，但最重要果樣（即定罪）無推翻，（我）梗係唔開心啦」，個人希望對方成功申請假釋，「出返嚟先」，希望曾成功申請上訴至終審法院，「咁樣成件事都會對佢公道啲！」