憑韓國熱播劇《經常請吃飯的漂亮姐姐》（漂亮姐姐）而上位成新一代男神嘅丁海寅，將於本月18號首度襲港，喺九展舉行由美亞綜藝及德碩文化傳播有限公司主辦嘅「2018 JUNG HAE IN ‘SMILE’ FAN MEETING IN HONG KONG」見面會。

丁海寅早前已經拍片向港迷打招呼，今日仲加碼公開上月尾《漂亮姐姐》劇組到日本慶功嘅相冧粉絲，丁海寅除咗晒靚仔自拍照外，仲有一張佢挨喺欄杆望大海嘅「女友視角」相，唔知係咪由「姐姐」孫藝真揸機拍攝？

同時，丁海寅為答謝港迷支持，今次港騷更準備額外福利，除咗全場粉絲可以近距離擊掌，購買$1,180 VIP門票及$980門票更有機會與丁海寅合照及得到佢嘅親筆簽名海報、即影即有，認真識冧粉絲。

更多韓流，喺晒《娛果》
http://fb.com/appledailyent